نودشه گولان میدیا

سۆقرات و فێرواز

ارشاد قدسی — 2012-04-20T07:33:40+01:00

جوانێوی فێرواز(مسیار) لوا په‌ی لا سۆقرات. ی ماچۆ مامۆسا ئامانا خزمه‌تت زانشتم فێر که‌ری و زانیاریێم ده‌ی پنه‌ تا جه‌ دمارۆنه‌ بوو به‌ ئێنسانێوی رۆشه‌ن ویر

سۆقراتیچ قه‌بووڵش که‌ردوو ماچۆ ده‌ی خاسا ، ئێتر نه‌مانه‌ ده‌سوو فێروازه‌که‌ی که‌وت را هه‌مارێو دوورێ که‌وتێوه‌ فێروازه‌که‌ ماچۆ مامۆسا په‌ی کۆگه‌یم به‌رینه‌؟ سۆقراتیچ ناماوه‌ جواب و هیچش نه‌وات

ئێتر لوای لوای تا یاوه‌ی لا هانه‌چه‌مێوی چا ماتڵ بی، فێروازه‌که‌یچ ماچۆ مامۆسا یاگێوه‌ فره‌ وه‌شه‌نه‌ و چی قسانه‌بێ سۆقرات نه‌مانه‌ په‌شتۆ ملوو فێروازه‌که‌ی که‌ردش دلێ ئاوێره‌ ئێتر وه‌رش نه‌دا تا هه‌ناسه‌ بڕ بی ئێتر وه‌رش دا تا نه‌خنیکیۆ

شۆنۆ ئانه‌یه‌ فێروازه‌که‌ ده‌ستش که‌رد هه‌ناسه‌ هۆرکێشته‌ی تا ئاماوه‌ سه‌روو وێش ماچۆ مامۆسا! من ئامانا لاڵیاناته‌وه‌ ڤنه‌ که‌ فێروو زانشتیم که‌ری نه‌ک خنیکنیم کۆچێوش مه‌نه‌بێ خنیکیه‌و وه‌روو چێشی ئاپاسته‌ که‌رد ها؟!؟

مامۆسایچ ئاماوه‌ جواب و ماچۆ ئا وه‌خته‌ سه‌ره‌ت دلێ ئاوه‌کێنه‌ بێ و کۆچێوش مه‌نه‌بێ خنیکیه‌ی گردوو ئاواتیت چێش بێ؟

فێروازه‌که‌یچ ماچۆ کۆچێو هه‌وا تا هه‌ناسه‌ ده‌و و نه‌خنیکیه‌و ڕه‌و هه‌ناسه‌ده‌یم نه‌بێ

سۆقراتیچ ماچۆ ده‌ی زانشتیچ ئه‌وه‌جه‌ش هه‌ن پانه‌یه‌ که‌ تا ئانه‌یچه‌‌ عاشق نه‌بی په‌ی فێر بیه‌ی زانشتی هیچ وه‌ختێو فێر مه‌بی ومه‌تاڤی بی به‌ ئێنسانێوی رۆشه‌ن ویر و ئینه‌یچه‌ بنه‌ڕاو فێربیه‌ی زانشتیا.

نه‌ورۆز

ارشاد قدسی — 2012-03-19T18:01:01+01:00

به‌ بۆنه‌و ئامای نه‌ورۆزی و رۆشن که‌رده‌ی ئه‌یره‌ سووره‌که‌ی جه‌ گرد سه‌رکه‌شه‌ سه‌ربه‌رزه‌کاو وه‌ڵاته‌که‌یما جه‌ کانگاو دڵیمه‌وه‌ ئی رۆ گه‌وره‌یه‌ پیرۆزبایی ماچوو به‌ گردیتا و ئاوات موازوو ساڵێوه‌ که‌ خه‌ریکێنمێ پاش منیه‌یمێنه‌ ساڵۆ به‌چه‌م دیه‌ی وه‌رمه‌کاتا بۆ و ساڵۆ ئه‌وه‌ژیواو فه‌رهه‌نگ و زوانوو مه‌حاڵه‌که‌یما بۆ

پیرەمێرد‌:

ئەم ڕۆژی ساڵی تازەیە نەورۆزە ھاتەوە

جەژنێکی کۆنی کوردە بە خۆشی و بە ھاتەوە

مەولەوی:

نیشانەی نەورۆز وادەی وەھارەن

یا نەشئەی ئامای نامەی نیگارەن

ھەژار:

مزگێنی دا بە ‌سروە بای بەھاری

وا ھاتەوە نەورۆزی کوردەواری

گۆران:

ئەی نەتەوەی کاوەی زنجیر قەف قەف بڕ

رۆژی نەورۆز دای بە ‌ھەوری زستان دڕ

نالی:

تەشریفی نەوبەھارە کە عالەم دەکا نوێ

دڵ چونکە میسلی خونچەیە بۆیە دەپشکوێ

دڵدار:

گوڵی سوور ئەی ‌کچی نەورۆز ئەرێ کام دەس لەباغی ژین

لەبۆ یەک دەفعە بۆن کردن بەناکامی ئەتۆی ھێنا

وەفایی:

نەسیمی بایی نەورۆزی شەمیمی عەبھەری ھینا

موریدی عاشقان دیسان پەیامی دولبەری ھێنا

نەوید ئەی عاشقانی دڵفگار یار ھاتە سەر خەندە

سەڵا ئەی بولبولان دیسان درەختی گوڵ بەری ھێنا

به‌ بۆنه‌و 8 مارسی ڕۆ جه‌هانی ژه‌نێ

ارشاد قدسی — 2012-03-07T04:08:14+01:00

به‌ بۆنه‌و 8 مارسی ڕۆ جه‌هانی ژه‌نێ

به‌ ئه‌رکوو وێم مزانوو رۆ 8 مارسی، ڕۆ جه‌هانی ژه‌نێ پیرۆز واچوو به‌ ته‌ماموو ژه‌نا.به‌تایبه‌ت ژه‌نه‌ ئازا و مه‌ینه‌ت باره‌کاو کۆمه‌ڵگاکاو وێما ئاوات موازوو ژه‌نی په‌ی یاوای به‌ ژیوایوی که‌ وێشا حه‌زش پنه‌ که‌را و بتاوا چنی ئی کۆمه‌ڵگا دماکه‌وته‌یما گژیا و بیاڤا به‌ مافوو وێشا په‌نه‌وازا به‌یاوه‌ره‌وه‌ و هه‌رمانه‌ که‌را. که‌ به‌داخه‌و تا ئیسه‌ ژه‌نی دلێ کۆمه‌ڵگاکه‌و ئێمه‌نه‌ هیچ مافێوش نه‌بیه‌ن بجگه‌ جه‌ نه‌دامه‌تیا . گردێما مزانمێ یو جه‌ نونگه‌ سه‌ره‌کیه‌کا په‌ی دماکوته‌یی ئی جوره‌ کۆمه‌ڵگایا دیارا دوێ فاکته‌رێ سه‌ره‌کیێش هه‌نێ ئاذێچ (دین و ئێقتساد )که‌ دیاری که‌رێ یاگۆ ژه‌ن و پیای بیێنێ ، که‌ به‌داخه‌وه‌ جه‌ کۆمه‌ڵگاکه‌و ئێمه‌نه‌ هیچ حه‌قێو نه‌ذیان به ‌ژه‌نێ هه‌رچن په‌و ساڵا که‌مێو خاسته‌ر بیه‌ن به‌ڵام هه‌ر فره‌ فره‌ ما مه‌نه‌ن! ژه‌نی لتێوو پێکئامای کۆمه‌ڵگایا و بێ ژه‌نی کۆمه‌ڵگا سه‌قه‌تا و هه‌رگیز مه‌مه‌رزیۆره‌ ،گه‌ره‌کم نیا چینه‌یه‌ زیاته‌ر بلوو سه‌رشه‌ره‌ چوون ئی باسه‌ باسێوی دووروو درێژا فه‌قه‌ت ئاوات موازوو ژه‌نی به‌یا وه‌ره‌وه‌ و چالاکێبا و گژیا چنیا ئا نه‌یاریا که‌ جه‌ وه‌راوه‌ر پاذیشا که‌ریان و ئا مافه‌ که‌ دریان به‌ ژه‌نێ که‌ فه‌قه‌ت مشیۆم ((( سۆچا و ساچا ))) ! مشیۆم به‌یا وه‌رگێڵی که‌را و هه‌رمانه‌که‌را تا بیاڤا به‌ ئا مافوو وێشا که‌ هه‌میشه‌ چه‌مه‌رایشه‌نێ .

پنه‌م وه‌ش بێ ئی شێعرۆ مامۆسای ئازیز و وه‌شه‌ویس کاک زامدار هه‌ورامی چه‌. که‌ به‌ بۆ نه‌و ئی رۆیه‌ واتێنه‌ش که‌ فره‌ به‌ دڵه‌م بێ و حه‌زم که‌رد بنیه‌وه‌شه‌ره‌

هه‌شتو مارسی

تاکه‌ی کۆیله‌تی، تا که‌ی زه‌لیلی

ئیتر وه‌سێشا، بنده‌سی و دیلی

تاکه‌ی زوڵم‌و‌زۆر،وه‌سێن جیا‌وازی

ئیتر وه‌سێشا، کزی و لاوازی

تاکه‌ی بێ‌مافی و نابه‌رابه‌ری

داواکاری وێت ئه‌و لاو کێ‌به‌ری؟

قۆڵێ هۆرکه‌رذێ،هۆرسدێ سه‌روپای

ئارۆ، ڕۆتانا،دره‌نگا سه‌بای

به جه‌ساره‌ت وبه هه‌وڵ و خه‌بات

جه چێرچه‌پۆکی وێت بذه نه‌جات

ڕێکوزیاو ژه‌نا،مشیۆ چالاک بۆ

هه‌وڵ دۆ په‌ی مافیش چه‌نی من و تۆ

پیرۆزبۆ وه‌نه‌ت ڕۆو هه‌شتو مارسی

سه‌رگنۆ یاساو،یه‌کسانی و ڕاسی

3-3-2012 zamdar hewrami

مه‌یموون

ارشاد قدسی — 2012-02-22T03:34:20+01:00

مه‌یموون

یاگێوه‌نه‌ وانتمه‌و که‌ خه‌ڵکوو ئامازۆنی ره‌وێشێوی فره‌ سه‌مه‌ره‌شا هه‌ن‌ په‌ی گێرتای مه‌یموونا که‌ هه‌میشه‌ پاسه‌که‌را و ره‌حه‌تیچ با پا دامێوه‌ . بنه‌ڕاو ئی دامێچه‌ ئانه‌نه‌ که‌

نارگیلێو مارا که‌ په‌نه‌وازا دلێشا هاڵی که‌رده‌بۆ.جه‌ هه‌ردوه‌ سه‌ره‌وه‌ وڵه‌ش که‌رانه‌ دانێوه‌شا مشیۆم فره‌ گۆلالێ بۆ که‌ فه‌قه‌ت ته‌نافێوه‌ باریکه‌ش ویه‌رۆ چنه‌ ( ئاذێ وێشا ته‌نافێوه‌شا هه‌نه‌ که‌ هه‌م فره‌ باریکه‌نه‌و هه‌م به‌ هیچێو مه‌بڕیۆ و فره‌ مه‌حکه‌مه‌نه‌ ) ئه‌وێچه‌شا هه‌مارێو گه‌ورێنه‌ که‌ ئاچاگه‌وه‌ دله‌کێشا هه‌ڵی که‌رده‌ن و به‌زۆر ده‌سش ویه‌رۆ چنه‌

جه‌ لاو وڵه‌ گۆلاله‌کێوه‌ ته‌نافه‌ باریکه‌کێ ره‌ده‌ که‌را و ئاخروو ته‌نافه‌کێ لکه‌ مذا پینه‌یه‌ ته‌نافه‌کێ وه‌سڵه‌ بۆ نارگیله‌که‌یه‌وه‌ و دماوه‌ ئه‌و سه‌روو ته‌نافه‌کێ بینا دره‌ختێویه‌وه‌ تا مه‌یموونه‌که‌ نه‌تاڤۆ نارگیله‌که‌ی به‌رۆ چنی وێش و شۆنۆ ئانه‌یچه‌ره‌ ته‌وه‌نی گۆلالێ و رێزێش که‌رانه‌ پینه‌یه‌ خڕه‌ش به‌ی و دوێ یه‌رێ جارێ خاس خاس شۆکناشه‌وه‌ تا ده‌نگه‌که‌ش پیچیۆنه‌ وا یاگێ که‌ مه‌یموونه‌کێش ئینای چنه‌ ئیسه‌ دامه‌کێ حازره‌نه‌

مه‌یموونه‌کێچ که‌ فره‌ هه‌ستیارێنێ به‌ ده‌نگوو چێوا وه‌ختێو ئا خڕه‌ خڕه‌یه‌ مژنه‌وا مه‌یا بزانا چێشا؟ وه‌ختارێو مه‌یا گه‌ره‌کشانا نارگیله‌که‌ی به‌را مذیا مه‌تاڤا چوون بینیان دره‌خته‌که‌یه‌وه‌ وه‌ختێو ئینا دلێ ده‌ساشانه‌ خڕه‌ خڕ که‌رۆ ده‌سش به‌رۆنه‌ دلێش و مشته‌ که‌رۆ رێزه‌کاره‌ و تن مشته‌ش قووجنۆ وه‌ختێو گه‌ره‌کشا ده‌سه‌که‌یش به‌ربارۆ مه‌تاڤۆ چوون مشته‌ش قووجنه‌ینه‌ش و ره‌ده‌ مه‌بۆ مشیۆم مشته‌کێش که‌رۆوه‌ ئیجا بتاڤۆ ده‌سش به‌ربارۆ به‌ڵام مه‌یموون چێوش که‌وت مشته‌ به‌ هیچێو وه‌رش مه‌ذۆنه‌ تا نه‌به‌رۆش ئێتر فره‌ فره‌ هه‌وڵ مذۆنه‌ زۆرێ فرێ که‌رۆ به‌ڵام مه‌تاڤۆ چا وه‌خته‌یچه‌نه‌ ئا کابرا که دامه‌کێش نینه‌وه‌‌ مه‌ی و نزیک گنۆوه‌ ته‌نافێوه‌ مارۆ و به‌ ره‌حتی وزۆشه‌نه‌ ملوو مه‌یموونه‌که‌ی کابراکه‌ کۆچێویچ عه‌زیه‌تش که‌رۆ و ئیجا ده‌سه‌که‌یش وه‌ر مذۆنه‌!!! ( و ئینه‌ ئانه‌یه‌ مذۆ نیشانه‌ که‌ مه‌یموونێ وه‌ختێو چێوێو به‌ ده‌س مارۆنه‌ به‌ هیچێو جه‌ ده‌سش مه‌ذۆنه‌ هه‌رچن چا یاگه‌ سه‌ختێنه‌ که‌ کابراکه‌ی وینۆ و مزانۆچ گێره‌یش گێرۆ چا وه‌خته‌نه‌ فره‌ته‌ر هه‌وڵ مذۆ و به‌ یاوه‌ری ئه‌و ده‌سوو پاکه‌یش گه‌ره‌کشا ده‌سه‌که‌یش به‌ربارۆ به‌ڵام هه‌رئا مشتێشه‌ مه‌که‌رۆوه‌)

نۆدشه‌ گۆڵان

نودشه گولان

ناپلیۆن

ارشاد قدسی — 2012-02-21T03:27:38+01:00

ناپلیۆن

ناپلیۆن ماچۆ، چێوێو واچه‌ که‌ بتاڤی بنویسیش.........

چێوێو بنویسه‌ که‌ بتاڤی ئێمزاش که‌رینه‌................

و چێوێو ئێمزا که‌ره‌ که‌ بتاڤی بیاڤنیش به‌ ئه‌نجام.........

نۆدشه‌ گۆڵان

نودشه گولان

په‌نج دینارێ....

ارشاد قدسی — 2012-01-27T03:42:06+01:00

په‌نج دینارێ

ڕوێو لوانی لا دووکانوو مێوه ‌وره‌شیێڤی تا بڕێو مێوه‌ پسانوو.چا وه‌خته‌یچه‌نه‌ پیاوی پیر که‌ ته‌مه‌نش سه‌ره‌وه ‌بێ و دیاریچ بێ فره‌ گه‌داو هه‌ژار بێ. ڕوه‌ش که‌رده‌نه‌ مێوه‌ وڕه‌شه‌که‌ی ماچۆ ڕۆڵه‌ هیزی وێره‌گاوه‌ لا تۆوه‌ کۆچێو گیلاسم ئه‌سا وه‌روو چه‌ماو منه‌وه‌ پاسه‌ دات نیشانه‌ که‌ عاله‌کاشا جیاکه‌ریه‌و په‌ی من به‌ڵام وه‌ختێو به‌ردێمه‌وه‌ په‌ی یانه‌ی ته‌ماشه‌م که‌رد مذیه‌و نیمه‌ش خرابا و پاسه‌ که‌ تۆ دات نیشانۆمن‌ چامنه‌ نه‌بێ. مێوه‌ وره‌شه‌که‌یچ‌ هاوارش که‌رد و ماچۆ چێش ماچی ڕ‌ییش چه‌ره‌مه‌ لا منه‌وه‌ نه‌سه‌ینێت لوه‌ لا ئانه‌یه‌ که‌ وره‌ته‌نیش پنه. قسه‌کات لا ئاذیه‌وه‌ که‌ره‌‌. پیا پیره‌که‌یچ سه‌رێوش شۆکناوه‌ بێ ئانه‌یه‌ هیچ قسێوه‌ که‌رۆ که‌ مێوه‌ وره‌شه‌که‌ ناراحه‌ت بۆ په‌رساشه‌و ڤنه‌ ماچۆ ڕۆڵه‌ گیان ئه‌ی هیزی ئا مێوه‌ته‌ که‌ وره‌ته‌ن جه‌ حه‌ساب که‌رده‌ی زه‌ره‌کیشانه‌ هیچ که‌موو که‌سڕیێوت نه‌بێ؟

مێوه‌ وره‌شه‌که‌ ئاماوه‌ جواب ماچۆ پاسه‌ بزانوو هیزی په‌نج دینارێم که‌م ئارذ تۆ باسه‌ بزانه‌ گمم که‌رده‌ن.ئیسه‌ تۆ کاڕت چێشا سه‌ره‌وه‌ من که‌مم ئارده‌ن یا نا؟ پیا پییره‌که‌یچ ده‌ستش که‌رد باخه‌له‌شه‌ره‌ په‌نج دیناریێو که‌ فره‌ چرچ بیه‌بێ به‌رش ئارذ ده‌ستش درێژ که‌رد په‌ی لا مێوه ‌وره‌شه‌که‌ و ماچۆ ئینه‌ دڵێ ئا گیلاسه‌یه‌نه‌ بێ که‌ هیزی لا تۆوه‌ ئه‌سابێم شۆنۆ ئانه‌یه‌ره‌ که‌ پیا پییره‌که‌ی ئا قسێشه‌ که‌رده‌ یه‌واش یه‌واشێو چا دوور که‌وته‌وه‌ و لوا. ^ نویسته‌ی به‌ سورانی: علاالدین سەڤاش ^

سه‌رچه‌مه‌ ( F ) گه‌نجانی کورد

نۆدشه‌ گۆڵان

پیای کۆر

ارشاد قدسی — 2012-01-05T03:56:23+01:00

پیای کۆر

ڕوێو پیه‌یوی کۆر سه‌روو پله‌کانۆ یانێویه‌وه‌ نیشته‌بێره‌ و کۆڵاوێوه‌ش نیه‌یبێره وه‌رش و پاڵشه‌نه‌ قاقه‌زێوی

گه‌وره‌شا لکنابێره‌ که‌ سه‌رشه‌وه‌ نویسیابێ << من کۆره‌نا، تکاتا ڤنه‌ که‌روو یاوه‌ریم ده‌یدێ >>

کابره‌یو ئاما لاشه‌نه‌ لوای لوێ دیا مذیۆ کۆڵاڤۆ کابراکه‌یه‌نه‌ فه‌قه‌ت بڕێو زه‌رش ئینا چنه‌

و فره‌ که‌ما و هیچ که‌سی یاوه‌ریش نه‌ذان! کابراکه‌یچ وێش بڕێو زه‌ڕش وسته‌نه‌ کۆڵاڤۆ پیا کۆره‌که‌ی،

و قاقه‌زه‌که‌ش ئارذه‌ڕه‌ وار و هۆڕش گێڵنا په‌وذیمه‌ره‌و چێوێوش نویست سه‌ر و لوا،

وێره‌گاوه‌ کابراکه‌ ئاماوه‌ مذیۆ هه‌ر پیا کۆره‌که‌ ئیناچا و ئیسه‌ خه‌ریکا وێش جه‌موو جۆر که‌رۆ و بلۆ،
کابراکه‌ ئاما وه‌ره‌وه‌ مذیۆ کۆڵاڤۆ پیا کۆره‌که‌ی په‌ڕ بیه‌ن زه‌ڕ و خه‌ڵکی زه‌ڕی فره‌ش وسته‌نه‌نه‌
کۆڵاوه‌کێش, کابراکه‌ که‌ مدرابێره‌ پیا کۆره‌که‌ زاناش یۆ ئینا پاڵشه‌نه‌ و ماچۆ گیان په‌رسێوه‌م هه‌نه‌
کابراکه‌یچ ماچۆ فه‌رماوه‌ پیا کۆره‌که‌ ماچۆ ساعبێو یۆ ئاما ده‌س کاری ئا قاقه‌زه‌یشه‌ که‌رد که‌
لکنابێمه‌ره،‌ دا بزانه‌ چێشش نویسته‌ن؟
کابراکه‌ ماچۆ من بێنێ چێوێو ته‌رم نویست ماچۆ چێش؟ ماچۆ چێوی چامنه‌ نیا هه‌ر مه‌به‌سته‌که‌و تۆم
بێ به‌ڵام‌ جۆرێو ته‌ر نویسته‌نم، هه‌مارێو به‌زه‌یش ئاما پیا کۆره‌که‌یه‌ره‌ و ئێتر لوا..
سه‌روو قاقه‌زه‌که‌یوه‌ نویسته‌بێش << ئیسه‌ وه‌هارا، به‌ڵام من مه‌تاڤوو ڤینوو!!>>

نودشه گولان میدیا

نۆتشه‌ گۆڵان مێدیا

(شكسپیر)

ارشاد قدسی — 2011-12-23T09:12:55+01:00

***شكســـــــپیــــــر***

من هه‌میشه‌ دڵوه‌شه‌نا،،،، مزاندێ وه‌روو چێشیا....؟؟؟!!!!*

چوون من چه‌مه‌ڕاو هیچ چێوێوی نیه‌نا جه‌ هیچ که‌سی،،،

وه‌روو ئانه‌یه‌نه من ‌ دڵوه‌شه‌نا‌،،

چوون هه‌میشه‌ چه‌مه‌‌ڕایی که‌رده‌ی په‌ی ئێنسانی خراباو ناوه‌شا و هه‌میشه‌ ئازارش مذۆ.....

نودشه گولان میدیا

نۆتشه‌ گۆڵان مێدیا

تاقی که‌رده‌وه‌ی وه‌زیڕا

ارشاد قدسی — 2011-12-05T09:01:11+01:00

تاقی که‌رده‌وه‌ی وه‌زیڕا

ڕوێو جه ‌ڕوا پاشایو یه‌رێ وه‌زیرێش چریێ و داواش که‌ردێ ڤنه‌ ‌که ‌هه‌رمانێوه‌ هه‌نه ‌‌که‌راش په‌ی وه‌ختارێو پاشای ده‌سش که‌رد به ‌قسه‌ که‌رده‌ی جه‌باره‌و هه‌رمانه‌کێ یه‌ره ‌وه‌زیره‌که‌‌‌ سه‌ره‌شا سڕمه‌نه‌بێ جه ‌قسه‌کۆ پاشا‌ی!!
پاشای واته‌بێ ئینه ‌یه‌رێ گۆنیێ هه‌ر یۆتا یۆشا هۆرگێردێو به‌ردێشا په‌ی باخه‌که‌و کۆشکه‌کێم و گۆنیه‌کا په‌رێ که‌ردێ مێوێ تازێو عالێ و واته‌بێچش جه‌ هیچ که‌سی یاوه‌ریتا گه‌رک نه‌بۆ!
و هه‌رمانه‌کێ نه‌ذه‌یدێ ملوو یۆته‌ریه‌ره‌و حه‌تمه‌ن مشیۆم وێتا که‌ردێش، ئێتر وه‌زیره‌کێ که ‌سه‌ره‌شا سڕمه‌نه‌بێ جه ‌داواکه‌و پاشای که‌وتێ را و لوای په‌ی باخه‌کێ وه‌ختێو یاڤای وه‌ره‌وه‌ وه‌زیرێوشا که ‌شۆنۆ ئانه‌یه‌وه‌بێ پاشای رازی که‌رۆ و هه‌رمانه‌کێش به‌رێکوو پێکی که‌رۆ لوا عالته‌رین و تازه‌ته‌رین مێوێش هۆرچنیێ و که‌ردێشه‌نه ‌گۆنی تا په‌ربی ... وه‌زیرێوته‌رشا وه‌روو وێشه‌ره‌ ماچۆ پاشای په‌ی وێش گه‌ره‌کێش نیه‌نێ و هه‌ر ته‌ماشه‌و گۆنیه‌که‌ی مه‌که‌رۆ ئێتر خاسوو خرابش جیا نه‌که‌رده‌وه‌ گۆنیه‌که‌ش په‌ر که‌رد... ئه‌و وه‌زیره‌که‌یچشا ماچۆ پاشا هه‌ر ته‌ماشو گۆنیه‌که‌ی مه‌که‌رۆ ماچۆ خۆ ئاذ لاش ها‌ڵی نیا! ئیسه ‌ئاذ ئی مێوێشه ‌په‌ی چێشی هه‌ر له‌شم نیا گێڵوو شۆنۆ مێواره ‌ئێتر په‌رش که‌رد گیواو و گه‌ڵه‌ی دڕه‌ختا و شه‌خه‌ڵ ، ئێتر سه‌به‌ی پاشا داواش که‌رد یه‌ره ‌وه‌زیره ‌به‌یاو گۆنیه‌کاچشا به‌را که ‌واته‌بێم په‌رێشا که‌را مێوه، ‌وختێو وه‌زیره‌کێ ئامای پاشای فه‌رمانه‌ش که‌رد‌ به‌ سه‌روازه‌کا‌ش که ‌ئا یه‌ره‌ وه‌زیره‌یه‌ گێراو هه‌ر یۆشا یاگێوه‌نه‌و و جیاکارێ با جه‌یۆته‌ری چنی گۆنیه‌کاشا که‌ردێ زیندان په‌ی یه‌رێ مانگا!!!

نودشه گولان میدیا
نۆتشه‌ گۆڵان مێدیا

هه‌ورامان به‌ زوانه‌که‌یشه‌وه‌ هه‌ورامانا

ارشاد قدسی — 2011-11-22T00:10:20+01:00

هه‌ورامان به‌ زوانه‌که‌یشه‌وه‌ هه‌ورامانا

قسێوه‌ هه‌نه‌ ماچۆ یۆوه‌م که‌ڕه‌ت جه‌ ویرت به‌را(ویرشا مشیه‌وه‌)، دماوه‌ دژایه‌تیت که‌را، دماته‌ر قه‌بووڵت که‌را و ماچا به‌ڵێ تۆچێ هه‌نی. ئینه‌ ئانه‌یه مرمانۆ پنه‌ما که‌‌ مشیۆم ئێمه‌ به‌رده‌وامێ بیمێ و هه‌رمانه‌ که‌رمێ تا ئا وه‌خته‌ که ‌بیاڤمێ ئا یاوگه‌ و مه‌به‌سته‌یه‌ که‌ گه‌ره‌کمانا تا به‌ ده‌سش بارمێ و هیچ وه‌ختێو نائۆمیدێ و بێ ئاواتێ نه‌بیمێ. به ‌په‌یلواو من زوانه‌که‌و ئێمه‌یچێ ئینا به‌ینوو جه‌ ویر به‌رده‌یه‌نه و دژایه‌تی که‌رده‌یه‌نه، ‌جه‌ ویربه‌رده‌ی چێشا؟ ئیسه‌ زوانێو پێسه‌ زوانی هه‌ورامی پا گه‌وره‌یشه‌ و زوانێوی ده‌وڵه‌مه‌ن، زوانێوی هێقم، بنه‌چه‌ق دار و‌ زوانوو نویسته‌ی و بیه‌ن که‌ ئیسه‌ مه‌وازوو چی زیاته‌ر بلوو سه‌رشه‌ره‌ چوون گردێما مزانمێ ئێتر وه‌ختێو زوانێو نه‌نویسیۆش پنه‌ و هه‌رمانه‌ش نه‌کریۆ پنه‌ ئێتر ڕۆبه‌ فه‌‌وتیا‌ی ملۆ و ئیسه‌ هه‌رمانۆ ئێمه‌ی هه‌ورامی زوانی ئانه‌نه‌ که‌ بنویسمێ و هه‌رمانه‌ که‌رمێ به‌ زوانه‌که‌یما تا زیننه‌ش که‌رمێوه‌.دژایه‌تی چێشا ئیسه‌ متاڤوو واچوو زوانه‌که‌و ئێمه‌ یاڤان یاگێوه‌ که‌ په‌و ساڵا فره‌ خاسته‌را و هه‌یان هه‌یان وه‌رپه‌نگێ و گێچه‌ڵه‌کا مازه‌ی مازۆ جیا و ئینه‌یچه‌ به‌ هه‌وڵوو فره‌ چا که‌سا که‌ دڵسۆزێ زوانه‌کیشانێ و خه‌م وه‌رێ نیشتگاکه‌و وێشانێ خه‌ریکوو هه‌رمانێنێ و خزمه‌ت که‌را تا یاڤان ئی یاگێ چی بیه‌نه‌چه‌نه‌ به‌داخه‌وه‌ ناحه‌زێ فرێنێ و په‌یشا وه‌ش نیا که‌ زوانه‌که‌و ئێمه‌ ترۆق که‌رۆ ئه‌گه‌ر ئێمه‌ باوه‌رما بۆ به‌ فره‌ کۆلتووری و فره‌ زوانی جه‌ کوردستانه‌نه‌ که‌ من ئانه‌یه‌ چیوێوی فره‌ خاس مزانوو ئێتر دژایه‌تیێوچ مه‌مه‌نۆ به‌داخه‌وه‌ برێو ویر نزمێ که‌ هه‌ر وێشا ڤینا مه‌یا ده‌س که‌را به‌ برێو قسا که‌ ماچا ئی هه‌رمانێ بۆ به‌ نوونگه‌و پارچه‌ پارچه‌ که‌رده‌ی کوردستانی که‌ ئینه‌ بجگه‌م ویرنزمی وهیچ نه‌زانی هیچێو ته‌ر نیا.ئیسه‌ ئێمه‌ وه‌ختارێو باسوو ئێزدیا که‌رمێ باسوو کوردی که‌رمێ به‌ڵام دینشا جیاوازا وه‌ختارێو باسوو هه‌ورامی که‌رمێ باسوو کوردی که‌رمێ به‌ڵام‌ زوانیوی وێپا و سه‌ربه‌وێش هه‌ن و مه‌بۆ واچمێ هه‌ورامی له‌هجه‌ن یا زاراوه‌ن و زوانا! و هیچش گه‌ره‌ک نیا، ئێمه‌ گردێما مزانمێ هه‌ورامی وێش له‌هجه‌ش هه‌ن و رۆشه‌ن بیه‌نه‌وه‌ په‌ی گردیما که‌ زوانا وئێتر هه‌رکه‌سێو کوچێو جه‌ زوانی بزانۆ و زوان ئه‌ژناس بۆ و لوا بۆ شۆنۆ زوان یه‌ره‌ ئێترمیاڤۆ وا یاگێ که‌ هه‌ورامی زوانا مشیۆم بۆ به‌ زوانوو فێرکاری و په‌روه‌رده‌ی، جه‌ وانگا و فێرگانه‌ هه‌رمانه‌ش پنه‌ کریۆ جه‌ هه‌ورامانه‌نه‌. ئیسه‌ هه‌ورامانوو ئی دیمیه‌نه‌ به‌ داخه‌وه‌ ئا هه‌رمانێ مه‌کریۆ هیچ به‌ڵام هه‌ورامانوو ئه‌ودیمیه‌نه‌ که‌ حکوومه‌تیوی وێمانه‌ما هه‌ن مشیۆم چه‌مێما نه‌قۆجنمێ سه‌روو ئا چێوا که‌ وجوودشا هه‌ن و بیاڤوێ وا یاگێ که‌ باوه‌رما بۆ وه‌ڵاتوو ئێمه‌ فره‌ کلتوورا ئێمه‌ یاڤه‌یمێ ئی ویره‌یه‌ ئێتر مۆشکڵێوه‌ مه‌مه‌نۆ ئیسه‌ منی هه‌ورامی زوان چی مشیۆم جه‌ حه‌قیوی ئێنسانی وێم بێ به‌ش بوو و جه‌ وه‌ڵاتوو وێمه‌نه‌ نه‌تاڤوو به‌ زانوو وێم بوانوو و بنویسوو.( هه‌رچن ئێمه‌ی هه‌ورامی زوانیچ که‌مته‌ر خه‌میما بیه‌ن جه‌ بڕێو یاگانه‌ ) هه‌رچن بادینانیچه‌نه‌ و بادینی زوانه‌کێچ ئا مۆشکێڵێشا هه‌نه‌ و ئا حه‌قیچه‌ په‌ی ئاذێشا هه‌ن به‌ڵام ئاذێ زوانه‌که‌شا جه‌ بڕێو یاگانه‌ هه‌رمانه‌ش پنه‌ کریۆ به‌ڵام ئێمه‌ جیاوازا چوون زوانه‌که‌و ئێمه‌ رۆبه فه‌وتیا‌ی ملۆ. به‌ باوه‌روو من ئیسه‌ به‌ خزمه‌ت که‌رده‌ی به‌ زوانی هه‌ورامی خزمه‌ت کریۆ به‌ کوردستانی چوون ئیسه‌ گردێما مزانمێ که‌ فره‌و وه‌ڵاتا هه‌ن که‌ چه‌ندین زوانێش هه‌نێ و سازمانێو پێسه‌ یۆنێسکۆی مه‌ی حێمایه‌ت که‌رۆ جه‌ زوانه‌ کۆنه‌کا و گرد ساڵێوه‌ ڕۆ جه‌هانی زوانی ئه‌ذایی پیرۆز که‌رۆ ماچۆ با جه‌ بینه‌نه‌ نه‌لا. کابرا هه‌ن به‌شانازیه‌وه‌ ماچۆ وه‌ڵاتوو من زوانێوش چنه‌ن‌ ئانه‌ هه‌زارساڵه‌ن و شانازیش که‌رۆ پنه،‌ مشیۆم ئێمه‌یچێ ئا ویرما بۆ. برێو وه‌ڵاتێچ هه‌نێ پێسه‌ هێندووستانی چه‌ندین زوانێ گه‌وریش چنه‌نێ و هیچ کام سه‌ره‌شا نه‌نامناره‌ په‌ی یۆته‌ری و یه‌کتری قه‌بووڵ نه‌که‌رێنێ گردێ واچێنێ ‌مشیۆم زوانه‌که‌و ئێمه‌ بۆ به‌ زوانوو ئه‌وه‌ڵوو وه‌ڵاتی تا یاڤا یاگێوه‌ زوانی ئێنگلیسیشا که‌رد به‌ زوانی ره‌سمی و فه‌رمی. یا پاکێستان چه‌ندین زوانێ گه‌ورێش ‌ بێنێ و ئا مۆشکێڵه‌شا بێ و دژایه‌تی یه‌کتری که‌رێنێ تا ئامه‌ی زوانیوی پاکێستانیشا که‌رذ زوانی فه‌رمی که‌ که‌مته‌ر که‌سێو قسێش پنه‌ که‌رۆ و زوانی که‌مینه‌ن. به‌ڵام‌ ئێمه‌ ئا مۆشکێڵێما نیه‌نه‌ و گردێما یاوینمێ پا باوه‌ره‌یه‌‌ که‌ ئه‌وه‌جه‌ ما هه‌ن به‌ زوانیوی یۆگێرته‌ی که‌ گرد که‌س بیاڤۆنه‌ یه‌کتری و پنه‌ش بنویسیۆ چوون وه‌ڵاتێو زوانی فه‌رمیش نه‌بۆ هیچ مه‌تاڤۆ که‌رۆ‌ و ئێمه‌ ماچمێ مشیۆم ئی زوانه‌ نه‌بۆ نوونگه‌و ئانه‌یه‌ ئه‌و زوانه‌کێ فه‌وتیا، ئیسه‌ هه‌رکه‌س واچۆ زوانی کوردی مه‌زانی کام زوانی ماچۆ و مه‌به‌ستش کام زوانا. ئینه‌ چێویوی فره‌ خاسا زوانی یۆگێڕته ‌وه‌ش بۆ به‌ڵام پاڵوو ئی زوانه‌یه‌نه‌ ‌گرد که‌سێو به‌ ناوچه‌و و مه‌حه‌لۆ وێش بتاڤۆ به‌ زوان و شێوه‌زاروو ویش جه‌ وانگا و فێرگانه‌ هه‌رمانه‌ش پنه‌ که‌رۆ ئێتر ئێمه‌ هه‌م زوانه‌کێما پارێزنه‌ینێما و هه‌م زوانی یۆگێرته‌ما هه‌ن ، ئازیزا با ئێمه‌یچ به‌یمێوه‌ پوێره‌ وده‌س که‌رمێ پنه‌ و دڵسۆزانه‌ و ژیرانه‌ نازمێ زوانما چی زیاته‌ر ڕوه‌وه‌و نه‌مه‌نه‌ی لاقۆره‌ بنیۆ و هه‌ر پاسه‌ وه‌ڵینیاما تا ئێگه‌ ئارذه‌ن و یاونانشا ده‌سما ئێمه‌یچ با شانازییش پنه‌ که‌رمێ، هۆرشگێرمێ و هه‌رمانه‌ش که‌رمێ پنه‌ با سه‌به‌ی په‌که‌ما نه‌گنۆ و ته‌مه‌ذارێ ئیذی و ئه‌وی ‌بیمێ.

نودشه گولان میدیا

نۆتشه‌ گۆڵان مێدیا

مه‌ژگوو ئه‌نیشته‌نی

ارشاد قدسی — 2011-11-22T00:10:01+01:00

مه‌ژگوو ئه‌نیشته‌نی به‌ره‌ی به‌را په‌ی مووزه‌خانه‌ی!!!؟؟؟

دکتۆر لوسی رۆکه‌ر ئادامس، که‌ ماوه‌و 42 ساڵا پێسه‌ دۆکترێوێ فره‌زانێ جه‌ نه‌وه‌شخانه‌و زارۆڵاۆ فیلادێلفیانه‌ هه‌رمانه‌ که‌رۆ 46 گره‌مێ جه‌ ماده‌و مه‌ژگوو ئه‌نیشته‌نیش به‌خشان به‌ مۆزه‌خانه‌و (پزیشکی مۆته‌ری) .ئه‌لبێرت ئه‌نیشته‌ن جه‌ ساڵۆ 1955 و جه‌ ته‌مه‌نوو 76 ساڵیه‌نه‌ مه‌رده‌ن و مه‌ژگوو ئه‌نیشته‌نی جه‌ ئاوه‌خته‌یه‌ تا ئیسه‌ جه‌ تاقی که‌رده‌وه‌ی دۆکتره‌که‌و زانشتگه‌و پرینکتنی ئه‌مریکایی هۆرگیریان و پارێزیان.

نودشه گولان میدیا
نۆتشه‌ گۆڵان مێدیا

گاندی

ارشاد قدسی — 2011-11-04T04:20:54+01:00

حه‌وت چێوێ هه‌نێ که‌ به‌ بێ ئا حه‌وت چێوه‌ ئێتر ژیوا‌ی سه‌ختۆ و ته‌ڕسناکا!!؟

گاندی چن ڕوێ وه‌ڵێ مه‌رگیشه‌نه‌ سه‌روو قاقه‌زیڤیه‌وه منویسۆ حه‌وت چێوێ هه‌نێ که‌ به‌ بێ ئا حه‌وت چێوه‌ ئێتر ژیوا‌ی سه‌ختۆ و ته‌ڕسناکا

1- سه‌روه‌ت یا مڵک، به‌ بێ مانیه‌ی.

2- وه‌شی، به‌ بێ ویژدان.

3- بازرگانی، به‌ بێ ئه‌خلاق.

4- زانست، به‌ بێ ئێنسانیه‌ت.

5- سیاسه‌ت، به‌ بێ شه‌ره‌ف.

6- ئه‌ژناسیه‌ی، به‌ بێ که‌سایه‌تی.

7- پرێسه‌ی، به‌ بێ وێ به‌خشه‌ی په‌ی خوای.

نودشه گولان میدیا
نوتشه گولان میدیا

دنیا یاگێوه‌ فره‌ خرابه‌نه‌ په‌ی ژیوای!

ارشاد قدسی — 2011-11-04T04:14:48+01:00

دنیا یاگێوه‌ فره‌ خرابه‌نه‌ په‌ی ژیوای!

دنیا یاگێوه‌ فره‌ خرابه‌نه‌ په‌ی ژیوای!.و ئینه‌ وه‌روو ئانه‌یه‌ نیا که‌ خه‌ڵکی خرابش چنه‌ن به‌ڵکووم بیناخاتروو که‌سانیویا که‌ خرابیه‌کا و ناحه‌قیه‌کا ڤینا به‌ڵام چه‌مێشا وه‌راوه‌ر پا چێوا قووجنا و ده‌مشا قۆت گێراو په‌ی ڕێکه‌وه‌ که‌رذه‌یشا هه‌رمانێوه‌ مه‌که‌را ئه‌نیشته‌ن

نودشه گولان میدیا
نوتشه گولان میدیا

کوره‌ تاقانه‌ جه‌ زیندانه‌نه‌‌

ارشاد قدسی — 2011-10-23T02:36:47+01:00

کوره‌ تاقانه‌ جه‌ زیندانه‌نه‌‌

پیه‌وی پیر ته‌نیا کۆڕێوش بێ ، کوره‌که‌ش تاوانێوێش که‌رذه‌بێ که‌وته‌بێ زیندان، ئا پیا پیره‌چه‌ نه‌تاوێ هه‌رمانه‌کاش که‌رۆ گیڕش وارذه‌ بێ شه‌و و ڕۆ په‌ژارێ ڤجارێ هیچش نه‌کریێ پنه‌
روێوشا پیاکه‌ ماچۆ دابا نامێو بنویسوو په‌ی کوره‌که‌یم کیانووش په‌ی با بزانۆ ئاذ نیا گیرم واذه‌ن.
ده‌سش که‌رذ نامه‌ نویسته‌ی په‌ی کوره‌که‌یش دلێ نامه‌که‌ینه‌ ماچۆ کوره‌ تاقانه‌که‌م خۆ وێت مزانی ئیسه‌ وه‌ختۆ ئانه‌یه‌نه‌ زه‌مینه‌که‌یما کاڵمێ سێفه‌ زه‌مینه‌کا بنیۆ که‌سیویچ نیا یاوه‌ریم دۆ خۆ وێچم مه‌تاڤۆ زه‌مینه‌که‌ی کاڵو.
نامه‌که ‌یاوا ده‌سوو کوره‌که‌یش فره‌ سه‌ختش ئاما ڤنه‌ هه‌مارێو ناراحه‌ت بی. کوره‌که‌یچ ده‌سش که‌رذ نامه‌ نویسته‌ و جوابوو نامه‌که‌یش داوه‌ نویستش. تاته‌ گیان تکات ڤنه‌ که‌روو ده‌س مه‌ذه‌نه‌ زه‌مینه‌که‌ی چوون من چه‌کوو و ته‌قه‌مه‌نی فره‌م شارانه‌وه‌ با وێم ئامانیه‌وه‌ چاره‌شا که‌روو ده‌س نه‌ذه‌یه‌نه‌ زه‌مینه‌که‌ی.
ڕوێو شۆنۆ نامه‌که‌ی سه‌روازێ فره‌ گه‌ماره‌ۆ زه‌مینه‌که‌یشا دا ده‌سشا که‌رذ به‌ زه‌مین کاڵه‌ی گێڵه‌ی گێڵێنێ شۆنۆ ته‌قه‌مه‌نیه‌ره‌ به‌ڵام هیچێوشا نه‌یۆسه‌وه‌!
تاته‌و کوره‌که‌ی لوا په‌ی زیندانی سه‌ردۆ کوره‌که‌یش جه‌ره‌یانه‌که‌ش گێڵناوه‌ په‌ی ماچۆ کوره‌که‌م چی پاسته‌ نویسته‌بێ‌ سه‌روازێ ئامه‌ی نێ په‌ی زه‌مینه‌که‌ی؟
کوره‌که‌یچ ماچۆ تاته‌ گیان من هه‌ر پاجۆره‌ تاوێنێ یاوه‌ریت ده‌ۆ .ئیسه‌یچ لوه‌‌ به‌ ئاسانی هه‌رمانه‌کات که‌ره‌

نودشه گولان میدیا
نوتشه گولان میدیا

ویلیام جیم سایدیس

ارشاد قدسی — 2011-09-23T04:06:36+01:00

ویلیام جیم سایدیس

ویلیام جیم سایدیس ژیرتەرین ئێنسانۆ تاریخی کە تاڤاش جە تەمەنۆ یەک ساڵیەنە بە ئاسانی بنویسۆ و جە ته‌مه‌نوو پەنج ساڵیەنە شارەزا بی بە پەنج زوانێ مۆهێمێ جەھانی و جە ته‌مه‌نوو یانزە سالیەنە جە زانشگۆ هارواردۆ ئه‌مریكای ئەرکوو مامۆساییش پنە ئسپاریا
سایدیس جە ساڵۆ ١٨٩٨ جە ئەمریکانە پیذا بیەن و جە ته‌مه‌نوو ٤٦ ساڵیەنە فه‌وتش که‌رذەن
ئا پیا توانەیوی فرەش بیەن جە ویرکاری و زوانەنە جە ته‌مه‌نوو ١٨ مانگیەنە تاڤانش رۆنامەۆ نیویۆرك تایمزی بوانۆه‌وه‌ و جە ته‌مه‌نوو ھەشت ساڵیەنە شارەزا بۆ بە ھەشت زوانێ مۆهێمێ جەھانی و زوانێوی تازەش مەرزنارە بە نامۆ ( vendergood)
جە وەختێوەنە کە (IQ) مەژگۆ ئێنسانی ئاسایی ٨٥ تا ١١٥. (IQ) سایدیس 250 بیەن و ژیرتەرین ئێنسانۆ جەھانیا تا ئیسە

نودشه گولان میدیا

نوتشه گولان میدیا

نودشه گولان میدیا

سۆقرات و فێرواز

نه‌ورۆز

به‌ بۆنه‌و 8 مارسی ڕۆ جه‌هانی ژه‌نێ

مه‌یموون

ناپلیۆن

په‌نج دینارێ....

پیای کۆر

پیای کۆر

ڕوێو پیه‌یوی کۆر سه‌روو پله‌کانۆ یانێویه‌وه‌ نیشته‌بێره‌ و کۆڵاوێوه‌ش نیه‌یبێره وه‌رش و پاڵشه‌نه‌ قاقه‌زێوی

گه‌وره‌شا لکنابێره‌ که‌ سه‌رشه‌وه‌ نویسیابێ << من کۆره‌نا، تکاتا ڤنه‌ که‌روو یاوه‌ریم ده‌یدێ >>

کابره‌یو ئاما لاشه‌نه‌ لوای لوێ دیا مذیۆ کۆڵاڤۆ کابراکه‌یه‌نه‌ فه‌قه‌ت بڕێو زه‌رش ئینا چنه‌

و فره‌ که‌ما و هیچ که‌سی یاوه‌ریش نه‌ذان! کابراکه‌یچ وێش بڕێو زه‌ڕش وسته‌نه‌ کۆڵاڤۆ پیا کۆره‌که‌ی،

و قاقه‌زه‌که‌ش ئارذه‌ڕه‌ وار و هۆڕش گێڵنا په‌وذیمه‌ره‌و چێوێوش نویست سه‌ر و لوا،

وێره‌گاوه‌ کابراکه‌ ئاماوه‌ مذیۆ هه‌ر پیا کۆره‌که‌ ئیناچا و ئیسه‌ خه‌ریکا وێش جه‌موو جۆر که‌رۆ و بلۆ،

کابراکه‌ ئاما وه‌ره‌وه‌ مذیۆ کۆڵاڤۆ پیا کۆره‌که‌ی په‌ڕ بیه‌ن زه‌ڕ و خه‌ڵکی زه‌ڕی فره‌ش وسته‌نه‌نه‌

کۆڵاوه‌کێش, کابراکه‌ که‌ مدرابێره‌ پیا کۆره‌که‌ زاناش یۆ ئینا پاڵشه‌نه‌ و ماچۆ گیان په‌رسێوه‌م هه‌نه‌

کابراکه‌یچ ماچۆ فه‌رماوه‌ پیا کۆره‌که‌ ماچۆ ساعبێو یۆ ئاما ده‌س کاری ئا قاقه‌زه‌یشه‌ که‌رد که‌

لکنابێمه‌ره،‌ دا بزانه‌ چێشش نویسته‌ن؟

کابراکه‌ ماچۆ من بێنێ چێوێو ته‌رم نویست ماچۆ چێش؟ ماچۆ چێوی چامنه‌ نیا هه‌ر مه‌به‌سته‌که‌و تۆم

بێ به‌ڵام‌ جۆرێو ته‌ر نویسته‌نم، هه‌مارێو به‌زه‌یش ئاما پیا کۆره‌که‌یه‌ره‌ و ئێتر لوا..

سه‌روو قاقه‌زه‌که‌یوه‌ نویسته‌بێش << ئیسه‌ وه‌هارا، به‌ڵام من مه‌تاڤوو ڤینوو!!>>

نودشه گولان میدیا نۆتشه‌ گۆڵان مێدیا

(شكسپیر)

تاقی که‌رده‌وه‌ی وه‌زیڕا

تاقی که‌رده‌وه‌ی وه‌زیڕا

نودشه گولان میدیانۆتشه‌ گۆڵان مێدیا

هه‌ورامان به‌ زوانه‌که‌یشه‌وه‌ هه‌ورامانا

هه‌ورامان به‌ زوانه‌که‌یشه‌وه‌ هه‌ورامانا

نودشه گولان میدیا نۆتشه‌ گۆڵان مێدیا

مه‌ژگوو ئه‌نیشته‌نی

مه‌ژگوو ئه‌نیشته‌نی به‌ره‌ی به‌را په‌ی مووزه‌خانه‌ی!!!؟؟؟

نودشه گولان میدیانۆتشه‌ گۆڵان مێدیا

گاندی

حه‌وت چێوێ هه‌نێ که‌ به‌ بێ ئا حه‌وت چێوه‌ ئێتر ژیوا‌ی سه‌ختۆ و ته‌ڕسناکا!!؟

حه‌وت چێوێ هه‌نێ که‌ به‌ بێ ئا حه‌وت چێوه‌ ئێتر ژیوا‌ی سه‌ختۆ و ته‌ڕسناکا!!؟

نودشه گولان میدیانوتشه گولان میدیا

نودشه گولان میدیانوتشه گولان میدیا

دنیا یاگێوه‌ فره‌ خرابه‌نه‌ په‌ی ژیوای!

دنیا یاگێوه‌ فره‌ خرابه‌نه‌ په‌ی ژیوای!

نودشه گولان میدیانوتشه گولان میدیا

کوره‌ تاقانه‌ جه‌ زیندانه‌نه‌‌

نودشه گولان میدیانوتشه گولان میدیا

ویلیام جیم سایدیس

نودشه گولان میدیا

نۆتشه‌ گۆڵان مێدیا

نودشه گولان میدیا
نۆتشه‌ گۆڵان مێدیا

نودشه گولان میدیا

نۆتشه‌ گۆڵان مێدیا

نودشه گولان میدیا
نۆتشه‌ گۆڵان مێدیا

نودشه گولان میدیا
نوتشه گولان میدیا

نودشه گولان میدیا
نوتشه گولان میدیا

نودشه گولان میدیا
نوتشه گولان میدیا

نودشه گولان میدیا
نوتشه گولان میدیا